Alp Etzli
Ä langzoggnä Wäidplätz
Laag
Das ganz Etzlital, wo uf dr südlichä Sitä vum Maderanertal liit, schaffet Platz fir alles Vee, wo dettä wäidä tüät. Das uf diä Art gnutzti Alpgebiät umfasst zächä Schtäfel. Etzli bedittet drum äü wahrschiintli so vil wiä Wäidplätz.
Bsunderhäit
Zhinderscht im Tal liit uf 2052 Meter uber Meer d SAC-Etzlihittä – ä bekanntä Üsgangspunkt fir Chlätterer und Bärgschtiiger. Dr Chrizlipass isch i friänerä Jahrhundertä als Pilgerwäg üs em Tujetsch zum Chloschter Einsitlä prüücht wordä.
Chääs
Uf Etzli wärdet Alpchääs, Ziger, Ankä und jedi Mängi Jogurt produziärt. Ä Täil vu denä Produktä cha mä im Alpbäizli oder i dä Ürner Läbesmittelgschäft chäüfä.
«Ab und züä häig mä im Etzlital ä umäärä, schwäärä Gämschbock gseh. Nur schiässä häig mä nä nit chennä: Sobald d Jeger uf nä ziilt häiget, häig si der Gämschbock in äs wiisses Chorhämmli verwantlet.»
Ürner Sagäwält